प्राईड ऑफ स्पंदन पुरस्कार सर्वांसाठी ऊर्जा देणारा - निलेश खरे
कराड|कृष्णाकाठ वृत्तसेवा:
महाराष्ट्राचे पहिले मुख्यमंत्री यशवंतराव चव्हाण यांच्या पदस्पर्शाने पावन झालेल्या कऱ्हाड शहरात विविध क्षेत्रातील मान्यवरांचा 'स्पंदन चॅरिटेबल ट्रस्ट" तर्फे "प्राईड ऑफ स्पंदन" पुरस्कार देऊन गौरव करण्यात आला.
या सोहळ्यात सौर ऊर्जा उद्योग क्षेत्रात राज्यभरात उल्लेखनीय कामगिरीबद्दल जयभीम कांबळे सुप्रिया कांबळे या दाम्पत्यांना राज्यस्तरीय प्राईड ऑफ स्पंदन अवॉर्ड २०२५ ने गौरविण्यात आले. त्यांना हा पुरस्कार साम टीव्हीचे संपादक निलेश खरे, टीव्ही 9 च्या निवेदिका सेजल पूरवार यांच्या हस्ते प्रदान करण्यात आला.
"प्राईड ऑफ स्पंदन पुरस्कार सर्वांसाठी ऊर्जा देणारा आहे," असे गौरवोदार साम टीव्ही न्यूज चॅनलचे संपादक निलेश खरे यांनी काढले. यावेळी महंत आहिल्यागिरीजी महाराज, प्रेरणादायी वक्ते डा. विनोद बाबर, सुप्रसिद्ध गायक विजय सरतापे, दिग्दर्शक अरुण कचरे, उपविभागीय कृषी अधिकारी रियाज मुल्ला,, सिनेअभिनेत्री प्राजक्ता नवनाळे, सिनेअभिनेते योगेश पोवार, अॅड. धम्मराज साळवे, सावली फाउंडेशनच्या संस्थापिका सायली धनाबाई, केतकी प्रकाशनचे चंद्रकांत जाधव, तसेच स्पंदन ट्रस्टचे संस्थापक डॉ. संदीप डाकवे यांची उपस्थिती होती.
उद्योजक जयभीम कांबळे यांना मिळालेल्या पुरस्काराबद्दल विविध स्तरातून अभिनंदन होत आहे. पाटण तालुका पत्रकार संघाचे अध्यक्ष सह सर्व पदाधिकारी सदस्यांनी कांबळे यांचे अभिनंदन केले.
स्पंदन परिवाराने माझ्या कामाची दखल घेतली याबद्दल ऋणी असून यापूर्वी देखील याच वर्षी राजस्तरीय उद्योजक पुरस्कार मिळाला असल्याने दोन राजस्तरीय पुरस्कार एकाच वर्षात पटकावल्याने नक्कीच पुढील वाटचालीस प्रेरणा देतील.
