कराड, पाटण तालुक्यात अवैध वृक्षतोड जोमात ; वनविभाग कोमात
इंधन, फर्निचरसाठी मोठ्या प्रमाणावर वृक्षाची तोड करण्यात येते. कराड पाटण तसेच जिल्ह्यातील एकूण भागातील जंगलात मोठ्या प्रमाणावर सागाचे वृक्ष आढळतात. डोंगरउतारावरील रचनेमुळे हिवाळ्याच्या उत्तरार्धात व उन्हाळ्यात वणवा लागण्याच्या घटना मोठ्या प्रमाणात होत असतात. यामध्ये औषधी वनसंपत्तीचा ऱ्हास होतो. या मुख्य कारणामुळे वणव्याचे बहुतांशी प्रमाण असलेल्या भागातील नागरिक वृक्ष वणव्याच्या तोंडी पडण्यापेक्षा त्याची तोड करणेच योग्य समजतात. अशा नागरिकांच्या आगळ्या वेगळ्या गैरसमजामुळे आज जिल्ह्यातील बरीचसी जंगले उनाड होण्याच्या मार्गावर आहेत.
जिल्ह्यात साग या वृक्षाला परजिल्ह्यात मोठी मागणी होत असते; मात्र वनविभागाच्या चौक्‍यावर होणारी तपासणी, देण्यात येणारा पास अशा बाबी महत्वाच्या असतात. याचा अडथळा दुर करण्यासाठीही बऱ्याच वेळा लाकुडपती व्यावसायिकांकडून मोठ्या आमिषांना बळी पडल्याचे प्रकार होत असतात. त्यामुळे सत्य परिस्थिती लपविण्यात येऊन जिल्ह्यातील खाजगी तसेच राखीव वनक्षेत्रातील वृक्ष संपती तोड करुन परजिल्ह्यात व परराज्यात जात आहे.
जिल्ह्यात खासगी वनक्षेत्रात स्वार्थासाठी यामुळे मोठ्या प्रमाणात वनच्छादित क्षेत्र घटण्याचा धोका पर्यावरणाला निर्माण झाला आहे. तर राखीव वनक्षेत्रात वनपाल, वनमजुर यांची गस्ती असताना सुद्धा बेकायदा वृक्षतोडीची प्रकरणे झाली आहेत.
तरी याचे सरासरी प्रमाण पहाता जिल्ह्यातील वनसंपत्तीचा विचार करता ते धोकादायक असल्याचे समजते. यावरुन खाजगी वनक्षेत्रातील वृक्षतोड प्रचंड प्रमाणात वाढली आहे.
__________________________________
