पाटण तालुक्यात सिने कलाकारांची मांदियाळी..! तब्बल ११० मराठी कलाकारांची उपस्थित राहणार...!

मंत्री शंभूराज देसाई यांच्या वाढदिनी जोरदार 'शंभुदौलत जल्लोष' तयारी



तळमावले | कृष्णाकाठ वृत्तसेवा: 
महाराष्ट्राचे उत्पादन शुल्कमंत्री तथा ठाणे आणि सातारा जिल्ह्याचे पालकमंत्री ना शंभूराज देसाई यांच्या वाढदिवसाच्या निमित्ताने गुरुवार दिनांक १७ नोव्हेंबर रोजी सिने क्षेत्रातील तसेच विविध टीव्ही मालिकेतील तब्बल ११० सुप्रसिद्ध कलाकारांच्या उपस्थितीत पाटण तालुक्यातील दौलतनगर येथे 'शंभुदौलत जल्लोष' हा भव्य संगीत रजनी कार्यक्रम होणार आहे.त्यामुळे आजपर्यंत सिनेमाच्या आणि टीव्हीच्या पडद्यावर दिसणाऱ्या कलाकारांची मांदियाळी पाटण तालुक्यात पहावयास मिळणार आहे.

 शंभूराज देसाई यांचा वाढदिवस म्हटले की तमाम जनतेच्या आणि मतदारांच्या मनोरंजनासाठी देसाई नेहमीच आपल्या मतदारसंघात मतदार आणि जनता यांच्यात आनंदाचा जल्लोष निर्माण करण्यासाठी प्रयत्नशील असतात. मग सत्ता असो अथवा नसो किंवा विरोधकांनी कितीही टीका टिपण्या केल्या तरी शंभूराज देसाई यांचा वाढदिवस म्हणजे कार्यकर्त्यासाठी आपल्या नेत्याचे मन तृप्त करणारे भाषण ऐकून त्यासोबत तृप्त भोजन आणि रात्री दिलखुलास मनोरंजन हे जणू समीकरणच ठरलेले असते यामुळे केवळ युवा मतदारच नव्हे तर सर्वसामान्य सर्वच घटकतील मतदार आणि मंत्री शंभूराज देसाई यांच्यामध्ये राजकारणा पलीकडील एक आपुलकीचे आणि जिवापाड प्रेमाचे घट्ट नाते तयार झालेले आहे.

   सध्या तर शंभूराज देसाई हे महाराष्ट्राचे उत्पादन शुल्कमंत्री आणि त्यातच सातारा जिल्ह्याचे पालकमंत्री असल्याने पाटण मतदारसंघात मतदार आणि कार्यकर्त्यांमध्ये प्रचंड उत्साह आहे.त्यामुळे आपल्या कार्यकर्त्यांच्या आग्रहामुळे मंत्री देसाई यांच्या वाढदिवसाच्या निमित्ताने विविध राजकीय,सामाजीक तसेच मनोरांनात्मक कार्यक्रमांची अक्षरशः रेलचेल झाली आहे.या परिसरात आकर्षक विद्युत रोषणाई, पांढरे पट्टे मारलेले चकाचक रस्ते,विविध फलक शेजारी आकर्षक लोकनेत्यांचे शताब्दी स्मारक,रंगीबेरंगी पाण्याचे कारंजे, हेलिपॅड,क्रिकेटची भव्य स्पर्धा,आरोग्य शिबीरासाठी भव्य दालने,विविध आकर्षक स्टॉल आणि बरेच काही यामुळे दौलतनगर परिसराला अक्षरशः पर्यटन क्षेत्राचे स्वरूप प्राप्त झाले आहे.  

    दरम्यान यामध्ये भर म्हणून सिनेमाच्या आणि टीव्ही च्या पडद्यावरील शेकडो मराठी कलाकार यांची मांदियाळी हे या कार्यक्रमाचे प्रमुख वैशिष्टय आहे.आपल्या विविध कला सादर करून प्रेक्षकांचे मनोरंजन करण्यासाठी हे सर्व कलाकार दौलतनगर येथे गुरुवारी येत आहेत यामध्ये प्राजक्ता माळी,अभिनव बेर्डे,मयुरेश पेम,सिद्धार्थ चांदेकर,पूजा सावंत,नेहा पेंडसे,भार्गवी चिरमुले,गौरव मोरे,हिना पांचाळ,ऐश्वर्या बदाडे,विद्या सदाफुलें,कविता राम,आकांक्षा कदम,राहुल सक्सेना,वनिता खरात,मीरा जोशी अशा ११० कलाकारांचा समावेश आहे.

त्यामुळे आजपर्यंत सिनेमाच्या आणि टीव्हीच्या पडद्यावर दिसणाऱ्या कलाकारांची मांदियाळी पाटण तालुक्यात प्रत्यक्ष पहावयास मिळणार आहे.

Popular posts
कोयना भूकंपग्रस्त कुटुंबियांना अखेर 27 वर्षांनंतर न्याय!
इमेज
तुकाराम गुरव यांचे दुःखद निधन
इमेज
चंद्रकांत चाळके यांची बाळासाहेबांची शिवसेना या पक्षाच्या ऐरोली विधानसभा विभाग प्रमुख पदी निवड.
इमेज
श्री सिद्धनाथ व माता जोगेश्वरी मंदिराचा जिर्णोद्धार सोहळा धार्मिक व सामाजिक उपक्रमाने उत्साहात संपन्न.
इमेज
शैक्षणिक व आरोग्य व्यवस्था मजबूत करा तसेच खेळाडूंसाठी तळमावलेत क्रीडा संकुल उभारा : मारुतीराव मोळावडे.
इमेज