मुंबई | कृष्णाकाठ वृत्तसेवा : पावसाळ्यात होणारे डेंग्यू, मलेरिया सारखे आजार लक्षात घेऊन बेस्ट समितीचे माजी अध्यक्ष आणि चेंबूरमधील वॉर्ड क्रमांक १५३ चे लोकप्रिय नगरसेवक अनिल पाटणकर यांच्या सुचनेनूसार मुंबई महापालिकेच्यावतीने चेंबूरच्या विभागात धूर फवारणी, ड्रममधे औषध टाकणे, डेंग्यू मलेरिया चे आळ्या सोधणे व डेंग्यू मलेरियावर जनजागृती करण्यासारखी विशेष मोहीम राबविण्यात आली.विशेष म्हणजे नगरसेवक अनिल पाटणकर हे स्वतः या मोहिमेत सहभागी होऊन परिसरात फिरताना दिसत होते.
ही मलेरिया जनजागृती मोहीम राबविताना स्वतः नगरसेवक अनिल पाटणकर यांच्यासह शाखाप्रमुख उमेश करकेरा, महिला शाखा संघटीका अनिता महाडिक, समाजसेविका मिनाक्षी पाटणकर,शिवसेना वॉर्ड क्रमांक १५३ चे कार्यालयप्रमुख मारूती वाघमारे, मुंबई महापालिका आरोग्य विभाग, घनकचरा विभाग व पिसीओ विभाग चे सर्व अधिकारी व कर्मचारी व शिवसेना महिला, पुरुष पदाधिकारी व कार्यकर्ते उपस्थित होते.
