संरक्षक भिंत अंगावर कोसळून तरुणाचा दुर्दैवी मृत्यू

 

मंगेश मोहिते व कोसळलेली संरक्षक भिंत.

पाटण | कृष्णाकाठ वृत्तसेवा : शहरातील गटाराचे काम करत असताना बंगल्याची संरक्षक भिंत अंगावर कोसळल्याने काम करणाऱ्या तरुणाचा मृत्यू झाला. मंगेश भीमराव मोहिते (वय १८, रा. इंदिरानगर, पाटण) असे या दुर्दैवी तरुणाचे नाव आहे. या घटनेची नोंद पाटण पोलिसात झाली आहे. या घटनेमुळे शहरात हळहळ व्यक्त होत आहे.

याबाबत घटनास्थळ व पोलिसांकडून मिळालेली माहिती अशी, येथील प्रभाग क्र. १७ मध्ये नव्याने गटार बांधण्याचे काम सुरू आहे. शनिवारी इंदिरानगर येथील भीमराव मोहिते हे आपला मुलगा मंगेश याला सोबत घेऊन सकाळपासून गटाराचे खोदकाम करत होते. जेवण झाल्यानंतर दुपारी चारच्या सुमारास मंगेश खोदकाम करत होता. अचानक शेजारील बंगल्याची चार फूट उंचीची भिंत मंगेश यांच्या छातीवर पडल्याने तो गंभीर जखमी झाला. त्याला येथील ग्रामीण रुग्णालयात उपचारासाठी दाखल करण्यात आले. मात्र त्याचा उपचारापूर्वीच मृत्यू झाला होता. या घटनेची फिर्याद मंगेशचे वडील भीमराव मोहिते यांनी पाटण पोलिसात दिली आहे. अधिक तपास पोलीस निरीक्षक निंगराज चौखंडे यांच्या मार्गदर्शनाखाली हवालदार के. आर. खांडे करत आहेत.

Popular posts
गुढे वि. का स. सेवा सोसायटी निवडणुकीत शिवसेनेचा 13 - 0 ने मोठा विजय. राष्ट्रवादीच्या पॅनेलचा दारुण पराभव. 20 वर्षांनंतर सत्तातर .
इमेज
बनपुरी सोसायटीत शिवसेना पुरस्कृत स्व. रघुनाथ महादेव पाटील शेतकरी विकास पॅनेलचा 13-0 ने दणदणीत विजय
इमेज
सारंग पाटील यांच्या वाढदिवसा निमित्त शाळेतील मुलांना संजीवन प्रतिष्ठान व नवभारत पतसंस्थेच्या वतीने सामाजिक बांधिलकी ,
इमेज
काळगाव सोसायटीत विजय तरुणाईचा..
इमेज
सारंग पाटील यांच्या वाढदिवसानिमित्त जनसहकार पतसंस्थेच्या वतीने जिजाऊ वस्तीगृहातील मुलांना शैक्षणिक साहित्याचे वाटप
इमेज