कृषी अवजारांचा शेतकऱ्यांनी लाभ घ्यावा : राजाभाऊ शेलार

पाटण | कृष्णाकाठ वृत्तसेवा : जिल्हा परिषद सेस २०२१-२२ अंतर्गत पंचायत समितीच्या माध्यमातून विविध अवजारांसाठी ५० ते ७५ टक्के थेट लाभ हस्तांतरण योजनेतून अनुदान देण्यात येणार आहे. त्याचा लाभ तालुक्यातील पात्र व गरजू लाभार्थ्यांनी घ्यावा, असे आवाहन पंचायत समितीचे सभापती राजाभाऊ शेलार यांनी केले आहे.

या योजनेंतर्गत डिझेल इंजिन, सायकल कोळपे, कडबाकुट्टी ल, पाईप, कॅनव्हास ताडपत्री, बॅटरी, स्प्रे पंपसाठी प्रस्ताव घेण्यात येत आहेत. त्याचबरोबर सोयाबीन व भात पेरणी केलेल्या पात्र शेतकऱ्यांनी बियाणे खरेदीची अधिकृत पावती व टॅग प्रस्तावासोबत सादर करावा. अल्पभूधारक शेतकरी, महिला, मागास, अपंग लाभार्थीस प्राधान्य देण्यात येणार आहे. यापूर्वी लाभ न घेतलेल्या शेतकरी लाभार्थीनी नमुन्यातील अर्ज, खातेउतारा सातबारा, आधारकार्ड, बँक पासबूक झेरॉक्स आदींसह परिपूर्ण प्रस्ताव कृषी विभाग पंचायत समिती पाटण येथे पुढील आठ दिवसात समक्ष सादर करावेत, असे आवाहनही सभापती शेलार यांनी केले आहे.

यावेळी उपसभापती प्रतापराव देसाई, मीना साळुंखे, व्ही. बी. विभूते, राजाराम लोखंडे आदी उपस्थित होते.

Popular posts
कोयना भूकंपग्रस्त कुटुंबियांना अखेर 27 वर्षांनंतर न्याय!
इमेज
तुकाराम गुरव यांचे दुःखद निधन
इमेज
चंद्रकांत चाळके यांची बाळासाहेबांची शिवसेना या पक्षाच्या ऐरोली विधानसभा विभाग प्रमुख पदी निवड.
इमेज
श्री सिद्धनाथ व माता जोगेश्वरी मंदिराचा जिर्णोद्धार सोहळा धार्मिक व सामाजिक उपक्रमाने उत्साहात संपन्न.
इमेज
शैक्षणिक व आरोग्य व्यवस्था मजबूत करा तसेच खेळाडूंसाठी तळमावलेत क्रीडा संकुल उभारा : मारुतीराव मोळावडे.
इमेज