कराड : पाण्याच्या बॉटलचे बॉक्स स्विकारताना पोलिस उपअधीक्षक डॉ. रणजित पाटील
कराड | कृष्णाकाठ वृत्तसेवा : मलकापूर येथील भागिर्थी पाटील ट्रस्ट व फौंडेशनकडून कोरोना काळात जीव धोक्यात घालून सामान्यांच्या आरोग्यासाठी अहोरात्र कर्तव्य बजावणाऱ्या पोलिसांना पाण्याच्या बाटल्यांचे वाटप करण्यात आले. पोलिस उपअधीक्षक डॉ. रणजित पाटील यांच्याकडे ट्रस्टचे अध्यक्ष संभाजी शेवाळे, संजय मस्कर व चंद्रजीत पाटील यांनी पाण्याच्या बाटल्यांचे बॉक्स सुपूर्द केले. कोरोनाच्या पहिल्या लाटेतही तत्कालीन पोलिस उपअधीक्षक सुरज गुरव यांच्याकडे सुमारे २०० पोलिसांसाठी अत्यावश्यक कीट सोपवण्यात आले होते.
भागिर्थी पाटील ट्रस्ट व फौडेंशनच्या या सामाजिक कार्याचे पोलिस उपअधीक्षक डॉ. रणजित पाटील यांनी कौतुक केले आहे.
