दुचाकीच्या अपघातात कुंभारगाव येथील युवकाचा मृत्यू.

 

तळमावले | कृष्णाकाठ वृत्तसेवा :
कराड- ढेबेवाडी रस्त्यावर पाटण तालुक्‍यातील काढणे फाट्यानजीक दुचाकी स्लीप होऊन झालेल्या अपघातात कुंभारगाव ता. पाटण येथील युवक ठार झाला.

घटनास्थळावरून मिळालेल्या माहितीनुसार कुंभारगाव येथील सागर गणपत कचरे (वय वर्षे २८) या युवकाचा शुक्रवारी रात्री कराड - ढेबेवाडी रस्त्यावर काढणे फाट्यानजीक दुचाकी घसरून झालेल्या अपघातात मृत्यू झाला. तो युवक आणि त्याचा मित्र शुक्रवारी पाचवड फाटा ता.कराड येथून दुचाकीवरून कुंभारगावला परतताना रस्त्यावर आलेल्या दगड व मातीमुळे गाडी घसरली आणि त्यांचा अपघात झाला. 

या अपघातात सागर कचरे यांच्या डोक्याला जबर मार बसला. त्यांना उपचारासाठी कराड येथील खासगी रुग्णालयात दाखल करण्यात आले. मात्र, उपचारादरम्यान त्याचा रविवारी मृत्यू झाला त्याच्या अचानक जाण्यामुळे त्याच्या कुटुंबावर दुःखाचा डोंगर कोसळला आहे.