मुंबई | कृष्णाकाठ वृत्तसेवा : दक्षिण मुंबईचे खासदार अरविंद सावंत,शिवसेना उपनेते, स्थायी समिती अध्यक्ष यशवंत जाधव, भायखळा विधानसभा मतदारसंघाच्या आमदार सौ. यामिनी जाधव यांच्या सूचनेनुसार तसेच शिवसेना मा. नगरसेवक मनोज जामसुतकर यांच्या विशेष प्रयत्नाने ब्राह्मणवाडी येथील पदपथावर असलेल्या स्ट्रीटलाईटवरील ५० वॅट क्षमतेच्या दिव्यांच्या ऐवजी १०५ वॅटच्या दिव्यांची सोय उपलब्ध करून दिली.
त्याबद्दल स्थानिक रहिवाश्यांच्या प्रमुख उपस्थितीमध्ये प्रभाग क्रमांक २१० च्या नगरसेविका सौ. सोनम मनोज जामसुतकर यांच्या शुभहस्ते उदघाटनाचा कार्यक्रम पार पडला. तदप्रसंगी शिवसेना मा. नगरसेवक मनोज जामसुतकर,मा.नगरसेवक सुर्यकांत पाटील,शाखाप्रमुख हेमंत मयेकर,जेष्ठ कार्यकर्ते राजेश सिंग, कल्पेश गायकवाड, स्वाती कोळेकर व अन्य विभागीय कार्यकर्ते तसेच विभागातील नागरिक उपस्थित होते.
