मुंबई | कृष्णाकाठ वृत्तसेवा : चेंबूरच्या घाटले गाव परिसरातील प्रसिद्ध गणेश तलावाच्या लोखंडी संरक्षण जाळी वादळ वाऱ्यामुळे जमीनदोस्त झाल्या आहेत. या घटनेची माहिती कळताच बेस्टचे माजी अध्यक्ष आणि स्थानिक नगरसेवक अनिल पाटणकर यांनी स्वतः पुढाकार घेत या तलावाची साफसफाई व सौंदर्यीकरण करण्याच्या कामाला प्रत्यक्ष सुरुवात केली.
नगरसेवक अनिल पाटणकर यांच्या हस्ते नुकताच या गणेश तलावाच्या साफसफाई व सौंदर्यीकरण कामाचा भूमिपूजन कार्यक्रम पार पडला.यावेळी अनिल पाटणकर यांच्यासह भाजपचे ज्येष्ठ पदाधिकारी व या विभागातील मार्गदर्शक जगदीश पराडकर ,शिवसेना शाखाप्रमुख उमेश करकेरा , महिला शाखा संघटिका अनिता महाडिक , लोकप्रिय समाजसेविका मीनाक्षी पाटणकर ,युवासेना शाखा अधिकारी विनय शेट्ये आणि घाटले ग्राम आगरी समाज ट्रस्टचे पदाधिकारी व शिवसैनिक आणि स्थानिक नागरिक उपस्थित होते.
