कुंभारगाव विभागात महावितरण च्या डिपी चोरांचा सुळसुळाट.

 


कुंभारगाव | कृष्णाकाठ वृत्तसेवा :

कुंभारगाव ता पाटण विभागात महावितरण च्या डिपी चोरांचा सुळसुळाट झाला आहे. यामुळे शेतकरी त्रस्त झाले आहेत. या डीपी चोरांचा ढेबेवाडी पोलिसांनी तातडीने बंदोबस्त करावा अशी मागणी शेतकरी वर्गातून होत आहे.

कुंभारगाव पासून जवळच कळंत्रेवाडी येथील विकास मारुती सावंत यांनी आपल्या धबदबी नावाच्या शेतात महावितरण कडून वीज कनेक्शन घेतले होते, त्या साठी महावितरण कडून त्यांना डिपी कनेक्शन दिले होते. काल सायंकाळी सहा वाजण्याच्या सुमारास विकास सावंत यांचे बंधू निवास सावंत शेतात गेले असता त्यांना विद्युत खांबावरील डिपी खाली पडलेली दिसली डीपीचे सर्व नट बोल्ट खोलण्यात आले होते, डीपीतील सर्व ऑइल जमिनीवर पडले होते. डीपीचे लायटिंग अरेस्टर, बुशिंग विस्कटलेल्या अवस्थेत दिसून आले. चोरटयांनी डिपी पूर्ण फोडण्याचा प्रयत्न केला त्याचबरोबर शेजारीच असणाऱ्या विहिरीतील मोटारीची केबल कट करून त्यातील तांब्याची तार काढलेली दिसून येत होती.

सध्या डीपी चोरीचे प्रमाण या विभागात वाढलेले दिसून येत आहे त्यामुळे शेतकरी त्रस्त झाले आहेत. ढेबेवाडी पोलिसांनी या डीपी चोरांचा शोध घेऊन त्यांचा बंदोबस्त करावा अशी मागणी विभागातील शेतकरी वर्गातून होत आहे.

या डीपी चोरीची फिर्याद येथील वायरमन दिलीप घोलप यांनी ढेबेवाडी पोलिसात दिली असून ढेबेवाडी पोलीस स्टेशनचे घाडगे अधिक तपास करत आहेत. .

Popular posts
कुंभारगांव येथील संदीप देवळेकर यांचे दुःखद निधन .
इमेज
चंद्रकांत चाळके यांची बाळासाहेबांची शिवसेना या पक्षाच्या ऐरोली विधानसभा विभाग प्रमुख पदी निवड.
इमेज
गडकोट व किल्ले संवर्धनासाठी दुर्ग प्राधिकरणाची स्थापना करणार - मुख्यमंत्री एकनाथ शिंदे
इमेज
न्यू इंग्लिश स्कूल गोकूळ-धावडे या विदयालयामध्ये तालुकास्तरीय खो-खो स्पर्धेचे आयोजन.
मान्याचीवाडी ग्रामपंचायतीची संत गाडगेबाबा ग्रामस्वच्छता अभियानांतर्गत राज्यस्तरीय समितीने केली पाहणी.
इमेज