मान्याचीवाडी (कुंभारगांव) येथे देशी दारुची बारा बॉक्स जप्त ; उत्पादन शुल्क विभागाची मोठी कारवाई.

 

ढेबेवाडी|कृष्णाकाठ वृत्तसेवा :
उत्पादन शुल्क विभागाने केलेल्या कारवाईत मान्याचीवाडी (कुंभारगांव) ता.पाटण येथे देशी दारुची बारा बॉक्स जप्त केली. कुलुपबंद दुकानगाळ्यात लपवून ठेवलेली दारु उत्पादन शुल्क विभागाच्या अधिकाऱ्यांनी कुलूप तोडून ताब्यात घेतल्याने उशिरापर्यंत यातील आरोपी कोण याची माहिती उपलब्ध झाली नाही. दरम्यान कडक लॉकडाऊन असतानाही दारुला पाय फुटले कुठून? याची चर्चा शनिवारी दिवसभर विभागात चालू होती. 

     याबाबत सविस्तर माहिती अशी कोरोनाच्या पार्श्वभूमीवर शुक्रवारी रात्री पासून या विभागात सर्वत्र व्यापाऱ्यांसह नागरिकांनीही  कडक लॉकडाऊनसाठी शासनाच्या आदेशाचे पालन करत घरीच बसणे पसंत केले. ठिकठिकाणी पोलीसांचा मोठा बंदोबस्त ठेवण्यात आला होता. त्यातूनही मान्याचीवाडी (कुंभारगांव) येथे एका दुकानगाळ्यात मोठ्या प्रमाणात देशी दारुचा स्टॉक केल्याची खबर उत्पादन शुल्क विभागाच्या अधिकाऱ्यांना मिळाली. 

    त्यानुसार उत्पादन शुल्क विभागाचे सहाय्यक निरिक्षक शिरीष जंगम, भीमराव माळी, जयवंत माने, पोलीस पाटील अमित शिंदे, प्रविण मोरे आदिंनी या कारवाईत सहभाग घेतला. 

----------------------------------------------------------

नेमकी दारु कोणाची ? ढेबेवाडी विभागात चर्चेला उत

कडक लॉकडाऊन असताना जप्त करण्यात आलेली दारु कोणाची , ती कुठून आली? याबाबत उशिरापर्यंत उलघडा झाला नाही. मात्र एवढा पोलीस बंदोबस्त असतानाही बेकायदेशीर रित्या दारुचे कोठार सापडल्याने उलटसुलट चर्चा चालू झाली आहे.

ढेबेवाडी विभागातील असे चोरीछुपे चालणारे बेकायदेशीर दारूधंदे ढेबेवाडी पोलिसांनी शोधून काढून त्यांच्यावर कडक कारवाई करणे काळाची गरज आहे. लॉकडाउनच्या अशा काळात अशा बेकायदेशीर दारू धंद्यांना ऊत येत असतो. यातूनच सामाजिक स्वास्थ्य धोक्यात येत असते. ढेबेवाडी पोलीस स्टेशनचे स.पो.नि संतोष पवार यांनी विभागात करडी नजर ठेवून असे धंदे करणाऱ्या लोकांच्यावर कठोर कारवाई करण्याची मागणी ग्रामस्थांतून होत आहे.

----------------------------------------------------------


      

Popular posts
लखीमपूर घटनेच्या निषेधार्थ महाविकास आघाडीकडून उद्या कराड तालुक्यात बंदची हाक.
इमेज
कुंभारगाव, चाळकेवाडी परिसरात वन्यप्राण्यांकडून शेळीवर हल्ला. दोन शेळ्यांचा घेतला जीव.
इमेज
युवा नेते यशराज देसाई यांच्या वाढदिवसानिमित्त काळगाव व कुंभारगाव विभाग शिवसेनेच्या वतीने रक्तदान शिबीर संपन्न‌.
इमेज
गोरखगड पाठोपाठ सह्यपुत्रांची हरिश्चंद्रगडाची मोहीम फत्ते.
इमेज
स्व.यशवंतराव चव्हाण साहेबांचे कार्य सैनिक स्कूलमधील विद्यार्थ्यांना समजले पाहिजे : खा.श्रीनिवास पाटील
इमेज