तळमावले/वार्ताहर :
पाटण तालुक्यातील मान्याचीवाडी (कुंभारगांव) येथील महालक्ष्मी फोटो स्टुडिओचे मालक व वांगव्हॅली पत्रकार संघाचे सदस्य छायाचित्रकार अनिल देसाई यांचा पत्रकार दिनानिमित्त पाटणचे प्रांताधिकारी श्रीरंग तांबे, ढेबेवाडी पोलीस स्टेशनचे सहाय्यक पोलीस निरीक्षक संतोष पवार, प्राचार्य डाॅ.अरुण गाडे, श्रीनिवास वाळवेकर, डाॅ.चंद्रकांत बोत्रे, डाॅ.सुभाष ताईगडे, डाॅ. धनंजय कुंभार, डाॅ. अजय सपकाळ, संघाचे संस्थापक चंद्रकांत चव्हाण, संजय लोहार, मंडलाधिकारी प्रवीण शिंदे, आरोग्य कर्मचारी इतर मान्यवर यांच्या प्रमुख उपस्थितीत सन्मानचिन्ह, पुस्तक व गुलाबपुष्प देवून विशेष गौरव करण्यात आला.
जिल्हा माहिती कार्यालयाच्यावतीने आयोजित केलेल्या ‘माझे कुटूंब माझी जबाबदारी’ या स्पर्धेत अनिल देसाई व त्यांचे सहकारी यांनी केलेल्या शाॅर्टफिल्मला द्वितीय क्रमांक मिळाला होता. तसेच कोरोनाच्या कालावधीत त्यांनी मास्कचे वाटप केले होते. या कार्याची दखल घेवून त्यांचा विशेष गौरव करण्यात आला.
या सत्काराबद्दल त्यांचे वांगव्हॅली पत्रकार संघाचे संस्थापक चंद्रकांत चव्हाण, अध्यक्ष संजय लोहार, तुषार देशमुख, डाॅ.संदीप डाकवे, नितीन बेलागडे, अमोल चव्हाण, प्रमोद पाटील, बाळासाहेब रोडे, हरीष पेंढारकर, पोपट झेंडे, पोपट माने, प्रदीप माने, विजय सुतार, अमित शिंदे, राजेंद्र पुजारी, पी.जी.जंगाणी सर, सुरेश पाटील व अन्य मान्यवर यांनी अभिनंदन केले.
