कोरोनाची साखळी तोडण्यासाठी मारुल हवेली पुन्हा लॉकडाऊन


कोरोनाची साखळी तोडण्यासाठी मारुल हवेली पुन्हा लॉकडाऊन. 


पाटण, दि 16 (प्रतिनिधी) 


मारुल हवेली ता पाटण गावात कोरोना रुग्णाची संख्या वाढत असून चिंतेचे वातावरण निर्माण झाले आहे परिसरातील गावासाठी हे बाजारपेठेचे हे गाव असल्याने अनेक गावांचा या ना त्या कारणाने नेहमी संपर्क असतो त्यामुळे कोरोना साखळी तोडण्यासाठी गावात 15 ते 20 ऑगस्ट असा पाच दिवसांचा लॉकडाउन घेण्याचा निर्णय घेण्यात आला आहे        


मारूल हवेली हे गाव परिसरातील कोरिवळे, टेळेवाडी, गारवडे, बहुले, दिवशी बुद्रुक, पापर्डे, सोनाईचीवाडी, नावडी या गावासाठी बाजारपेठेचे प्रमुख गाव आहे गावात मेडिकल, दवाखाने, खताची दुकाने, बँक या कामासाठी परिसरातील गावांची मारुल हवेलीला वर्दळ असते मारुल हवेली गावात या पूर्वी कोरोनाचा शिरकाव होऊ दिला नाही परंतु दुर्देवाने गेल्या काही दिवसात येथे झपाट्याने कोरोना रुग्णाची संख्या वाढतच चालली आहे. त्यामुळे या पार्शवभूमीवर कोरोनाची साखळी तोडणे गरजेचे असून मारूल हवेली गावातील जनतेचे आरोग्य सुरक्षित ठेवण्यासाठी दिनांक 15 ते 20 ऑगस्ट या कालावधीत मारूल हवेली गावात कडक लॉकडाऊन घेतला जाणार आहे. यात केवळ मेडिकल , दवाखाने सकाळी 09ते दुपारी 02वाजेपर्यंत चालू राहतील. बाकी सर्व दुकानें बंद राहतील त्यामुळे अत्यावश्यक सेवेच्या नावाखाली होणारा वावरही होणार नाही यांची दक्षता घेतली जाणार आहे. तर कायदेशीर बाबीचे नियम, र्निबध याचे उल्लंघन केल्यास संबधीतावर त्या त्या विभागाकडून कडक कारवाई केली जाणार आहे, असे सरपंच अशोक मगरे यांनी सांगितले


Popular posts
1543 संशयितांचे अहवाल कोरोनाबाधित; 38 बाधितांचा मृत्यू
इमेज
सातारा जिल्ह्यात 1212 संशयितांचे अहवाल कोरोनाबाधित; 41बाधितांचा मृत्यू
इमेज
सातारा जिल्ह्याच्या आरोग्य सेवेच्या बळकटीकरणासाठी शासनाचा मोठा निर्णय ; जिल्ह्याला मिळणार 38 रुग्णवाहिका - पालकमंत्री बाळासाहेब पाटील
इमेज
कराड चांदोली मार्गावर उंडाळे नजीक दुचाकी पुलावरून कोसळल्यामुळे भीषण अपघात. दोघे जण जागीच ठार, तर एक जण गंभीर जखमी.
इमेज
राज्यात 1 मेपर्यंत निर्बंध; नव्या नियमावलीनुसार काय सुरू, काय बंद?
इमेज