चित्रांना मिळालेला मोबदला थेट मुख्यमंत्री सहाय्यता निधीत संवेदनशील कलावंत डाॅ.संदीप डाकवे यांचा उपक्रम


चित्रांना मिळालेला मोबदला थेट मुख्यमंत्री सहाय्यता निधीत


संवेदनशील कलावंत डाॅ.संदीप डाकवे यांचा उपक्रम


तळमावले/वार्ताहर


संकटातही संधी शोधा असे म्हटले जाते, त्या अनुषंगाने सध्याच्या कोरोनाच्या पाश्र्वभूमीवर आपणही काहीतरी योगदान द्यावे या भावनेतून पाटण तालुक्यातील डाकेवाडी (काळगांव) येथील इंडिया बुक आॅफ रेकाॅर्ड होल्डर कलावंत डाॅ.संदीप डाकवे यांनी कुंचल्याच्या माध्यमातून मदत केली आहे. लाॅकडाऊनच्या काळात घरबसल्या चित्रे रेखाटत त्यातून मिळालेला रु.4,000/- चा संपूर्ण मोबदला मुख्यमंत्री सहाय्यता निधी कोवीड 19 मध्ये जमा केला आहे.


डाॅ.डाकवे हे नेहमी विविध समाजाभिमुख उपक्रम राबवत असतात. लाॅकडाऊनच्या काळात स्पंदन चॅरिटेबल ट्रस्टच्या माध्यमातून त्यांनी ‘एक रेखाचित्र कोरोना विरुध्दच्या योद्यांसाठी’ हा अभिनव उपक्रम सुरु केला होता. यामध्ये डाकवे यांचेकडून रेखाचित्र करुन घेवून त्याचे मुल्य स्वीकारण्यात येत होते. या माध्यमातून जमा झालेली रक्कम नुकतीच मुख्यमंत्री सहाय्यता निधीत जमा केली आहे.


दरम्यान, कोरोना परिस्थितीच्या कालावधीत स्पंदन चॅरिटेबल ट्रस्टच्या वतीने पोलीसांना मास्क वाटप, कृतज्ञता सन्मानपत्र प्रदान करण्यात आले आहेत. कलावंत डाॅ.संदीप डाकवे यांच्या या उपक्रमाचे ट्रस्टचे उपाध्यक्ष आप्पासोा निवडूंगे, सचिव सौ.रेश्मा डाकवे, ट्रस्टचे पदाधिकारी व परिसरातील लोकांनी कौतुक केले आहे.


➖➖➖➖➖➖➖➖➖➖➖➖➖➖


कलावंत डाॅ.संदीप डाकवे यांनी कलेच्या माध्यमातून दिलेले योगदान:


नाम फाऊंडेशनला रु.35,000/- ची मदत


केरळ पुरग्रस्तांना रु.21,000/- चा निधी


आर्मी वेल्फेअर बॅटल कॅज्युअल्टीजला रु.5,000/- ची मदत


माजी सैनिक हणमंतराव पाटील रु.5,000/- ची मदत


पुरग्रस्तांसाठी मुख्यमंत्री सहाय्यता निधीस रु.3,000/- ची मदत


स्पर्धेचे प्रवेश मुल्य ‘भारत के वीर’ या खात्यात रु.1,000/- जमा


➖➖➖➖➖➖➖➖➖➖➖➖➖➖ 


Popular posts
कोरोनाच्या पार्श्वभूमीवर कुंभारगाव येथील त्रिपुरी पौर्णिमेची यात्रा रद्द.
Image
साताऱ्यात २३ नोव्हेंबर पासून शाळा सुरू; जिल्हाधिकाऱ्यांचे शाळा व्यवस्थापनाला आदेश.
Image
कोरोना संसर्गाची दुसरी लाट थोपविण्यासाठी ; नागरिकांनी सूचनाचे पालन करावे, अन्यथा कारवाई करणार - जिल्हाधिकारी शेखर सिंह
Image
पाटण तालुका पत्रकार संघामार्फत ढेबेवाडी विभागातील कोरोना योध्यांचा सन्मान.
Image
ना.शंभूराज देसाईंमुळे पाटण ग्रामीण रुग्णालय झाले उपजिल्हा रुग्णालय;100 खाटांचे उपजिल्हा रुग्णालय स्थापन करण्यास शासनाची मान्यता.
Image