कराड तालुक्यात घरगुती गॅस सिलेंडर वितरण करण्यासाठी सुट
जिल्हाधिकारी शेखर सिंह यांचे आदेश.
सातारा दि. 23 (जिमाका) : कराड तालुक्यात जास्त प्रमाणात कोरोना विषाणूंचा संसर्ग झालेले रुग्ण आढळत असल्याने कराड तालुक्यातील संपुर्ण कराड नगरपालिका क्षेत्र, मलकापूर नगरपालिका क्षेत्र, जखीनवाडी, नांदलापूर, गोळेश्वर, कार्वे, कापील, सैदापूर, बनवडी, गोटे, वारुंजी, मुंढे, कोयना वसाहत या ग्रामपंचायतींचे क्षेत्र या कंटेनमेंट झोनमध्ये कोरोना विषाणूंचा वाढता प्रादुर्भाव नियंत्रणात ठेवण्यासाठी क्रिमिनल प्रोसिजर कोड 1973 चे कलम 144 मधील तरतूदीनुसार 23 एप्रिल रोजीच्या रात्री बारा वाजल्यापासून ते पुढील आदेशापर्यंत मनाई आदेश जारी केले आहेत. तथापि, या आदेशानुसार घरगुती गॅस सिलेंडर वितरण करणे अत्यावश्यक असल्याने जिल्हाधिकारी शेखर सिंह यांनी घरगुती गॅस सिलेंडर वितरण करण्यासाठी सुट दिली आहे.
